Taskoj
Taskoj estas unu el la aktivaĵo por intergrupa laboro. Fine de la proceso de laboro pri ĉiu aparta tasko kaj serĉado de taŭga por ĝi solvo oni devas nepre havi iun materian rezulton: paperan aŭ retan raporton, foto-raporton, gazeton aŭ muzikaĵon. Gravas, ke tiu rezulto estu produkto de komuna intergrupa laboro.
Elektante taskon por intergrupa laboro gvidantoj nepre memoru, ke ne ekzistas samaj situacioj kaj ke ajna tasko devas esti adaptita al bezonoj de la koncerna grupo. Oni uzu proponitajn taskojn kiel bazon por krei siajn proprajn. Mem verkante iun taskon por intergrupa laboro oni devas konsideri nur propran situacion de interkultua lernado, konkretajn partoprenantojn kaj iliajn fonojn kaj bezonojn. Nur tion kaj nenion alian. Sekvaj punktoj povas helpi al vi fari taŭgan elekton aŭ kompilon de la tasko:
- Celoj
- Celgrupo
- Medio
- Materialoj
- Transigo
Kion efektive ni volas atingi per tiu tasko? Ĉu vi klare difinis niajn celojn? Ĉu la tasko kongruas kun ili? Ĉu la elektita tasko estas konvena al kondiĉoj de konkreta situacio de interkultura lernado? Ĉu oni anticipe pretigis kondiĉojn bezonatajn por apliko de tiu ĉi tasko (ekz. lerno-etoson, rilatojn en grupo, konojn, informon, materialojn)?
Por kiu kaj kun kiu ni uzas tiun ĉi taskon? Kiujn postulojn oni havas al la grupo kaj al individuoj kiuj ĝin konsistigas? Kiumaniere povas ni veki ilian interesiĝon? Kion ili bezonos (kiel grupo kaj kiel individuoj) en konkreta momento de lernado kaj kiumaniere ili devos kontribui al ĝi? Ĉu la tasko helpas utiligi iliajn resursojn kaj konojn? Ĉu la tasko konvenas al la grandeco de la grupo?
Kia estas la medio en kiu ni aplikas tiun ĉi taskon? Kiujn spertojn en tiu senco alportas individuaj membroj de la grupo? Ĉu la etoso en la grupo kaj nivelo de komunikado taŭgas por apliki tiun ĉi taskon? Ĉu la kunteksto de tiu ĉi situacio de interkultura lernado aparte antaŭenigas aŭ kontraŭbatalas specifajn erojn?
Ĉu la tasko estas adaptita al la resursoj kiujn ni disponas (tempo, ejo, personoj, materialoj, komunikiloj ktp)? Ĉu la metodo efike utiligas tiujn resursojn?
Ĝi kiu grado tiu ĉi tasko baziĝas sur (aŭ rilatas al) sperto de ĉiu aparta partoprenanto kaj ĝis nun akiritaj spertoj de lernado? Ĉu tiu ĉi tasko estas uzebla el vidpunkto de realeco de partoprenantoj aŭ ĉu necesas ĝin adapti (se jes, en kiu maniero)? Ĉu estas intenco transigi/integrigi la taskon en la ĉiutagan vivon de partoprenantoj? Kiumaniere ni ebligos al partoprenantoj integrigi ĉion, kion ili lernis, en iliajn personajn realecojn?
Listo de ekzercoj
- krei komunan fotoraporton pri naciaj festoj de partorenantoj
- krei komunan murgazeton (pri difinita temo)
- krei raporton (pri difinita temo)
- trovi komunan respondon al la demando
- eltrovi kialojn de certa fenomeno (kultura aŭ socia)
- interŝanĝi naciajn ludojn, ludi ilin kaj verki komunan raporton pri siaj spertoj
- kompari idiomojn en naciaj lingvoj de partoprenantoj, analizi similecojn kaj malsimilecojn. Verki raporton.
